Wasiirka Arimaha dibadda Soomaaliya oo la kulmay Ra’iisul Wasaare ku xigeenka dalka Slovenia

[Deeq A.]

Wasiirka arrimaha dibedda Soomaaliya mudane, Abshir Cumar Huruuse ayaa magaalada Qaahira ee caasimadda dalka Masar kulan kula yeeshay Ra’iisul Wasaare ku xigeenka ahna Wasiirka Arrimaha Dibadda Slovenia H.E Tanja Fajon.

Labada mas’uul ayaa ka wada hadlay inay si wada jir ah uga wada shaqeen adkaynta iskaashiga dhinacyada badan leh ee ay mabaadi’diisu ku qotonto xoojinta xiriirka labada dal.

“Waxaan kullan miro dhal ah la yeeshay Ra’iisul Wasaare ku xigeenka ahna Wasiirka Arrimaha Dibadda Slovenia H.E Tanja Fajon, waxaan si wada jir ah uga wada shaqayn doonaa adkaynta iskaashiga dhinacyada badan leh ee ay mabaadi’diisu ku qotonto xoojinta xiriirka labada dal” ayuu yiri Wasiirka

Sidoo kale, Wasiir Huruuse ayaa kulan doceed kula qaatay madax uu ka mid yahay Wasiirka Arrimaha Dibadda ee dalka Kuwait, Sheekh Dr; Axmed Naasir Al-Maxamed Al-Sabaax, iyagoo si gaar ah uga wada hadlay adkaynta xiriirka iyo iskaashiga labada dal.

PUNTLAND POST

The post Wasiirka Arimaha dibadda Soomaaliya oo la kulmay Ra’iisul Wasaare ku xigeenka dalka Slovenia appeared first on Puntland Post.