Maamulka Gobolka Hiiraan oo xalliyay colaad ka jirtay degmada Matabaan

[Deeq A.]

Guddoomiyaha Gobolka Hiiraan Cali Jeyte Cismaan oo ay wehlinayeen Xildhibaano ka tirsan Golaha Shacabka Baarlamanka Federaalka Soomaaliya ayaa gaaray degmada Matabaan ee Gobolka Hiiraan oo degaanno ka tirsan ay ka socdaan hawlgalo ka dhan ah Al-shabaab.

Guddoomiyaha iyo Xildhibaannada weheliya ayaa xal ka gaaray dilal ay sababeen Anooyin qabiil oo muddooyinkii danbe ka socday duleedka degmada Matabaan ee Gobolka Hiiraan sida ay sheegtay warbaahinta dowladda Soomaaliya.

Waxgaradka degaanka ayaa u mahad celiyay dhamaan mas’uuliyiintii ka qayb qaatay xallinta colaadan gaar ahaanna waxay ugu mahad celiyeen Gudoomiyaha Gobolka Hiiraan Cali Jeyte Cismaan iyo xildhibaannada heer Federaal.

PUNTLAND POST

The post Maamulka Gobolka Hiiraan oo xalliyay colaad ka jirtay degmada Matabaan appeared first on Puntland Post.