Madaxda Maamul Goboleedyada oo Shacabka Soomaaliyeed Ugu Hambalyeeyay Munaasabadda 26-June

[Deeq A.]

Madaxda maamul goboleedyada dalka ayaa si wadajir ah shacabka Soomaaliyeed ugu hambalyeeyay munaasabadda xuska 26-ka Juun iyo guud ahaan xuska todobaadka xorriyadda dalka, iyadoo maalmo qura sidoo kale ay naga xigaan 1-da Luulyo oo ah xornimadii goboladda Koonfureed iyo israacii labada gobol ee lagu dhisay Jamhuuriyaddii  Dimuquraadiga ee Soomaaliya.

Madaxweynayaasha Puntland, Siciid Cabdullaahi Deni, Galmudug, Axmed Cabdi Kaariye (Qoor Qoor) Koonfur Galbeed, Cabdicasiis Xasan Maxamed Lafta-gareen, Hirshabeelle, Cali Guudlaawe Xuseen, iyo  Jubbaland, Axmed Maxamed Islaam (Madoobe),  ayaa ayaa guud ahaan Shacabka Soomaaliyeed ugu hambalyeeyay 26-Juun xuska sannad-guurada 62-aad ee ka soo wareegtay markii ay xuroobeen Gobollada Waqooyi.

Madaxweynaha Dowladda goboleedka Puntland Siciid Cabdullaahi Deni, ayaa shacabka Soomaaliyeed ugu hambalyeeyay munaasabadda 26-ka June, sanadguurada 62-aad ee kasoo wareegatay markii ay xornimada qaateen Gobollada waqooyi ee dalkeenna, waxaana uu yiri isaga oo ka hadlaayo arrintaas.

“Munaasabadda sanadguuradii 62-aad ee kasoo wareegatay markii ay xornimada qaateen Gobollada Waqooyi ee dalkeenna, waxaan hambalyo u dirayaa dhammaan dadka Soomaaliyeed meel walbo oo ay joogaan, maalmaha xoriyaddu waa taariikh u baahan in wax laga barto, dadaalkii iyo wakhtigii la geliyay xornimada, midowga iyo dowladdnimada dalkeenna”. ayuu yiri Madaxweynaha Dowladda Puntland Mudane Siciid Cabdullaahi Deni.

Sidookale madaxweynaha dowlad goboleedka Galmudud ayaa dhankiisa u diray shacabka Soomalaiyeed hambalyo ku aadan 62 san guuradii kasoo wareegtay markii gobolda Waqooyi ay xornimada ka qaateen dowladdii Ingiriiska waxaana uu yiri

“Waxaan ugu hambalyeenayaa umadda Soomaaliyeed sanad guurada 26ka Juun iyadoona ay ku asteesan tahay markii gobolada waqooyi ay xornimada qaateen 62 sano kahor maanta oo kale. Taariikh ahaan 26ka Juun, waa maalin shacabka Soomaaliyeed ku wayn, waana maalinkii calanka Soomaaliyeed laga taagay gobolada waqooyi, iyadoona billow u ah isbuuca xorriyadda ee Jamhuuriyadda Federaalka Soomaaliya”.

Dhankale Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed laftagareen ayaa guud ahaan Shacabka Soomaaliyeed ugu hambalyeeyay 26-Juun xuska sannad-guurada 62-aad ee ka soo wareegtay markii ay xuroobeen Gobollada Waqooyi, waxaana uu yiri “waxaan guud ahaan Shacabka Soomaaliyeed ugu Hambaliyeynayaa Munaasabad Xuska 26-juun,62-guurada kasoo wareegatay Markii ay xuroobeen Gobolada Waqooyi, waxaan guud ahaan shacabka Soomaaliyeed Urajaynayaa sanadkaan Sanadkiisa inuu Alle inagu gaarsiiyo Barwaaqo iyo Hormar,Shacabka Soomaaliyeed waxaan ugu baaqayaa inay kaalintooda ka qaataan Nabada iyo Hormarka Dalka.

Dhinaca kale Madaxweynaha Dowlad Goboleedka Hirshabeelle Cali Guudlaawe Xuseen ayaa dhankiisa u diray shacabka Soomalaiyeed hambalyo ku aadan 62 san guuradii kasoo wareegtay markii gobolda Waqooyi ay xornimada ka qaateen dowladdii Ingiriiska waxaana uu yiri” Waxaan ugu hambalyeeynayaa Shacabka Soomaaliyeed meel walba oo ay joogaan sanad guurada 62aad ee ka soo wareegtay markii Gobollada Waqooyi ee dalkeena ay ka xuroobeen gumeystihii ingiriiska”.

“Maalintaan qiimaha badan ee 26-ka June waa maalintii ugu horeysay oo calan Soomaaliyeed laga taagay dhul Soomaaliyeed oo xur ah, waana taariikh fog oo u baahan in wax badan laga barto. Munaasabadaan waxa ay kusoo aaday iyadoo dalkeena ay ka jiraan abaaro iyo biyo la’aan baahsan’ oo barakicisay boqolaal kun oo qoys waxaana umadda Soomaaliyeed ugu baaqayaa inay isu gurmadaan oo ay is kaalmeystaan” ayuu kusoo gabagabeeyay hadakisa.

 Ugu dambeyn madaxweynaha dowlad goboleedka Jubbaland Axmed Maxamed Islaam Madoobe ayaa dhankiisa umadda Soomaaliyeed u diray habalyo ku aadan munaasabadda 26-ka June iyo todobaadka xoriyadda, waxaana qoraal kooban uu ku yiri “Waxaan Shacabka Soomaaliyeed ugu Hambalyeynayaa munaasabadda26-ka June oo ku beegan 62 sano guuradii kasoo wareegtay xornimadii Gobollada waqooyi ee dalkeena.

Goobjoog News

Source: goobjoog.com