Rooble oo ku guuleystay in lasoo daayo Soomaali sanado badan ku xirneyd Imaaraadka

[Deeq A.]

Muqdisho (Caasimada Online) – Ra’iisul Wasaaraha Soomaaliya Mudane Maxamed Xuseen Rooble ayaa ugu dambeyntii ku guuleystay in uu xabsiga kasoo sii daayo 10 Nin oo sanado badan ku xirnaa dalka Imaaraadka Carabta.

Sida aan ogaanay 10-ka Nin ayaa waxa la xiray kadib markii lagu helay dambi ah inay isku dayeen inay afduubtaan markab shidaal sanadku markii uu ahaa 2011-kii.

Dowladda Imaaraadka ayaa sii-deyntooda ogolaatay dalab uga yimid Ra’iisul Wasaare Maxamed Xuseen Rooble, kaasi oo u gudbiyay safarkii ugu dambeeyay ee uu ku tagay dalkaas.

Wararka ayaa intaas kusii daraya in dowladda Imaaraadka u soo dhoofisay tobankaan Nin magaalada Muqdisho ee caasimada dalka, kuwaasi oo lagu kala magacaabo;

1. Cabdalla Maxamuud Faarax
2. Cabdifataax Xuseen Maxamed
3. Maxamuud Cabdi Ibraahim
4. Xasan Saciid Xuseen
5. Cabdixamiid Cabdullaahi Maxamed
6. Saqaar Maxamed Yuusuf
7. Guuleed Xirsi Faarax
8. Cali Tahliil Maxamuud
9. Cabdo Cali Saciid
10. Axmed Maxamed Cabdullaahi

The post Rooble oo ku guuleystay in lasoo daayo Soomaali sanado badan ku xirneyd Imaaraadka appeared first on Caasimada Online.