Tallaabo uu qaaday Maxamed Abukar Islow oo xiisad ka abuurtay magaalada Jowhar

[Deeq A.]

Xiisad siyaasadeed ayaa maanta ka aloosan magaalada Jowhar ee xarunta Dowlad Goboleedka Hirshabeelle.

Xiisaddaas ayaa sida wararku sheegayaan la xiriirta doorashada kursiga Hop#141 oo uu ku fadhiyay wasiirkii hore ee Amniga Soomaaliya Maxamed Abukar Islow Ducaale.

Musharrixiin isbeddel doon ah oo u tartamaya kursiga Hop#141 ayaa gebi ahaanba diiday liiska guddiga xulista ergada dooranaya kursigaas oo uu gacantiisa ku qortay Islow.

Musharrixiinta oo uu hoggaaminayo Dr Guuleed Cabdi Sheikh ayaa ku hanjabay in ay dagaal ka xigaan liiska uu qortay musharrax Maxamed Abukar Islow.

Xiisadda ayaa saacadihii la soo dhaafay korortay waxaana laga cabsi qabaa in ay gacan ka hadal isu rogto haddii aan la beddelin liiska guddigaas.

PUNTLAND POST

The post Tallaabo uu qaaday Maxamed Abukar Islow oo xiisad ka abuurtay magaalada Jowhar appeared first on Puntland Post.