Maraykanka oo sheegay in Ciidamada Ruushku danbiya dagaal ka geysteen dalka Ukraine

[Deeq A.]

Dowladda Maraykanka ayaa sheegtay in saraakiil ka tirsan ciidamada Ruushka ay danbiyo dagaal ka galeen dalka Ukraine.

Xoghayaha arrimaha dibadda Maraykanka Antony Blinken ayaa sheegay in xubno ka tirsan ciidamada Ruushka ay danbiya dagaal ka geysteen Ukraine.

Blinken wuxuu intaa ku daray in go’aan gaarista Washington ay ku saleysan tahay qiimeyn taxaddar leh oo lagu sameeyay xogta laga heli karo dadweynaha iyo kuwa sirdoonka.

Qoraal uu soo saaray ayuu ku sheegay in warbixino lagu kalsoonaan karo ay xaqiijinayaan in ciidamada Ruushku weeraro aan loo meel dayin ku beegsadeen dadka rayidka ah ee Ukraine.

Ruushka ayaa isagu beeniyay inuu beegsaday dad rayid ah.

PUNTLAND POST

The post Maraykanka oo sheegay in Ciidamada Ruushku danbiya dagaal ka geysteen dalka Ukraine appeared first on Puntland Post.