Boosaaso: Maxaa looga hadlay shirka Golaha Wasiirada Puntland?

[Deeq A.]

Magaalada Boosaaso ee xarunta gobolka Bari waxaa maanta oo khamiis ah ka dhacay shirkii todobaadlaha ahaa ee Golaha Wasiirada Puntland, kaas oo uu shir-guddoomiyay Madaxweyne Deni.

Bayaan kooban oo ka soo baxay Madaxtooyada Puntland ayaa lagu sheegay in shirka looga hadlay amniga, doorashada Golaha Shacabka, mashaariicda horumarinta ee ka socda Boosaaso xaaladda abaaraha iyo xaalada Saax-Maygaag iyo Sangejabiye.

“Madaxweynaha Dowladda Puntland Mudane Siciid Cabdullaahi Deni, ayaa Shir-guddoomiyey Shirka Golaha Wasiirada ee Todobaadlaha ah, oo todobaadkan looga hadlay Amniga, Doorashada Golaha Shacabka JFS, Mashaariicda Horumarinta ee ka socda Boosaaso sida Mashruuca Horumarinta Garoonka Diyaaradaha Boosaaso, Xaaladda Abaaraha iyo Xaalada Saax-Maygaag iyo Sangejabiye” ayaa lagu yiri bayaanka.

Shirka Golaha Wasiirada Puntland ku yeesheen Boosaaso ayaa ku soo aadaya, iyadoo maalmihii la soo dhaafay ay magaalada ka dheceen qaraxyo mid ka mid ah lala eegtay Madaxweyne Deni.

PUNTLAND POST

The post Boosaaso: Maxaa looga hadlay shirka Golaha Wasiirada Puntland? appeared first on Puntland Post.