10-ka dal ee ciidamadooda cirku ugu awoodda badan yihiin qaaradda Afrika+Siday u kala horeeyaan

[Deeq A.]

10-ka dal ee ciidamadooda cirku ugu awoodda badan yihiin qaaradda Afrika+Siday u kala horeeyaan

Diyaaradaha dagaalka Ruushku sameeyo ee Sukhoi 35

Marka laga hadlayo awoodaha militari ee dal ayaa waxyaabaha aadka loo qiimeeyo waxaa ka mid ah awoodda ciidamada Cirka.

Xilligan oo tiknoolajiyadda dhanka militariga ay sare u sii kacday ayaa waxaa guulaha dagaalada laga so hooyo ay inta badan ku xiran tahay awoodda dhanka cidamada cirka.

Waxaa sanooyiinkii u dambeeyay isa soo tarayay sameynta diyaaradaha casriga ah ee dagaalka sida kuwa aan duuliyaha lahayn ee Dronis-ka loo yaqaanno.

Hadaba waxaan qorimadeenna maanta aan ku eegaynaa 10 dal ee Afrika dhanka ciidamada cirka ugu awoodda badan.

 

Ciidamada cirka ee Masar

Masar

Waxaan muran uusan ka taagnayn in dalka Masar uu yahay dalka ugu awoodda badan dhanka ciidamaad cirka ee qaaradda Afrika.

Tirada diyaaradaha ee ciidamada cirka Masar ayaa gaaraysa 1062 diyaaradood.

Diyaaradaha dagaalka ayaa waxay tiradooda gaarayaan 250 diyaaradood.

Tirada diyaaradaha fuliya howgalada gaarka ah ayaa gaaraysa 11 diyaaradood.

Diyaaradaha nooca loo yaqaano Helekobtarka ayaa waxay tirada ay ciidamada Masar haystaan ay gaarayaan 313, halka diyaaradaha qaada ciidamada iyo saanada militariga ay gaarayaan 59.

Aljeeriya

Dalka aljeeriya oo ku yaalla waqooyi Afrika ayaa ka mid ah dalalka dhanka militariga ugu awodda badan qaaradda.

Aljeeriya ayaa sidoo kale waxay ledahay ciidamo cir oo si aad ah u awood badan.

Tirada diyaradaha ciidamada cirka ee Aljeeriya ayaa guud ahaan gaaraysa 552 diyaaradood.

Diyaaradaha dagaalka ayaa waxay tiradoodu dhan tahay 103 diyaaradood.

Diyaradaha nooca helekobtarada loo yaqaano ayay tirdoodu gaaraysaa 268, halka tirada diyaaradaha fuliya howlgalada gaarka ah ay gaarayso 9.

Ciidamada cirka ee Sudan

Sudan

Dalka Sudan ayaa intii uu xukunka hayay Cumar Al Bashiir waxaa uu militariga galiyay dhaqaalo badan.

Tirada guud ee diyaaradaha ciidamada cirka ee Sudan ayaa gaaraysa 192 diyaaradood.

Tirada diyaaradaha dagaalka ee Sudan ayaa gaaraysa 45, halka diyaaradaha helekobtarada ee weerarada fulin kara ayaa gaarysa 43.

Ciidamada cirka ee Itoobiya

Itoobiya

Militari ahaan dalka Itoobiya ayaa ka mid ah dalalka dhanka militariga ahaan ugu awoodda sareeya qaaradda.

Tirada diyaaradaha Itoobiya ciidamada cirka ee Itoobiya ayaa guud ahaan gaaraysa 90 diyaaradood.

Tirada diyaaradaha dagaalka ee Itoobiya ayaa gaaraysa 23, halka tirada diyaaradaha helekobtarka loo yaqaano ay gaarayso 32.

Angola

Dalka Angola oo ah dal leh kheyraad badan ayaa sanooyiinkii u dambeeyay dhisayay ciidamo cir oo awood badan.

Tirada diyaaradaha ciidamada cirka ee Angola ayaa guud ahaan dhan 299 diyaaradood.

Tirada diyaaradaha dagaalka ee dalkan ayaa gaaraysa 71, halka tirada diyaaradaha xamuulka ee ciidamada daabula ay gaarayso 30.

Tirada diyaaradaha nooca qumaatiga u kaca ee helekobtarka loo yaqaano ay gaarayaan 117 .

Koonfur Afrika

Dalka Koonfur Afrika oo ka mid ah dalalka dhaqaala ahaan ugu awoodda badan qaaradda Afrika ayaa sidoo kale ka mid ah dalalka dhanka militari ahaan ugu awoodda badan Afrika.

Guud ahaan tirada diyaaradaha ee ciidamada Koonfur afrika ayaa gaaraysa 225 diyaaradood.

Diyaaradaha dagaalka ayaa gaaraya 17, halka diyaradaha nooca helekobtarka loo yaqaano ay gaarayaan 91 diyaaradood.

Diyaaradaha fuliyaha howlgalada gaarka ah ayay tiradooda gaaraysaa 7 diyaaradood.

Nigeria

Dalka Nigeria oo ah dalka dhanka dhaqaalaa ugu ballaaran qaaradda Afrika ayaa sidoo kale ka mid ah dalalka ugu tunka wayn dhanka militariga.

Wasaaradda gaashaandhiga ee Nigeria ayaa sanooyiinkii u dambeeyay dhaqaalo badan galisay ciidamada cirka ee dalkaasi.

Guud ahaa tirada diyaaradaha ee ciidamada cirka Nigeria ayaa dhan 140 diyaaradood.

Diyaardaha dagaalka ee dalkaasi ayaa gaaraysa 14 diyaarood, halka tirada diyaaradaha helecoptarada loo yaqaano ay gaaraso 52.

Tiradda diyaaradaha fuliya howlagalada gaarka ah ayaa gaaraysa 6 diyaaradoood.

Kenya

Ciidamada cirka ee dalka Kenya ayaa lagu tilmaamaa kuwa awood leh marka laga hadlayo dhanka ciidamada cirka.

Tirada diyaaradaha ciidamada cirka ee dalka Kenya ayaa gaaraysa 151 diyaaradood.

Diyaaradaha dagaalka ee ciidamada cirka ee dalka Kenya ayaa gaaraysa 17 diyaaradood, halka diyaaradaha helecobtarka ay gaarayso 87.

Diyaaradaha fuliya howlgalada gaarka ah ayaa gaaraya 2 diyaarood.

Tunisia

Dalka oo ku yaalla waqooyiga Afrika ayaa ka mid ah dalalka dhaqalaha badan galayay militariga.

Guud ahaan tirada diyaaradaha dalka Tunisia ayaa gaaraysa 151, halka ay tirada diyaarah helekobtarka ay garayso 102 diyaaradood.

Libiya

Dalka liibiya ayaa xilligii uu xukunka hayay korneel Qadaafi wuxuu ka mmid ahaa dalalka ugu awoodda badan qaarada Afrika.

Balse dalkan ayay cududiisii militari ay hoos u dhacday tan markii xukunka laga tuuray hogaamiyihii dalkaasi Qadaafi.

Guud ahaan tirada diyaaradaha dagalka ee ciidamada cirka ee libiya ayaa gaaraysa 127 diyaaradood.

Tirada diyaaradaha dagalka ayaa gaaraysa 20, halka diyaaradaha noooca helekobtarka loo yaqaabo ay gaarayso 32.

Qaran News