Komishanka Doorashooyinka Somaliland Oo Maanta Daah-furay Nidaam Casri Ah Oo Lagu Hubinayo Saxnaanshaha Codbixiyayaasha Maalinta Doorashada

[Deeq A.]

(SLT-Hargeysa)-Waxa aan maanta Hargeysa lagu qabtay xaflad lagu daahfurayay nidaam cusub oo casri ah oo lagu hubinayo saxnaanshaha codbixiyayaasha maalinta doorashada (Biometric Voter Verification System). Waxa sidoo kale intii xafladdu socotay lagu tijaabiyay qaabka iyo hanaanka uu nidaamkan u shaqaynayo.

Nidaamkan cusub waxa uu kor usii qaadi doonaa daahfurnaanta nidaamka doorashooyinka iyada oo codbixiyayaasha lasugay xogtooda oo qudha ay codkooda dhiiban doonaan.

Mashruucan waxa dawladda Somaliland ka taageeray Dawladda Taiwan.

Guddida doorashooyinka Qaranka Somaliland ayaa sidoo kale dedaal ugu jira casriyaynta iyo horumarinta nidaamka loo maamulo doorashooyinka Somaliland.

Doorasho si wanaagsan loo maamulay, ayaa horseedi karta nidaam doorasho oo xor iyo xalaal ah iyo nidaam maamul oo si nabadgalyo ah la isugu wareejiyo.

Source