Hay’adda UNICEF oo digniin ka soo saartay khataro ka dhalan kara abaarta ka jirta Soomaaliya

[Deeq A.]

Warbixin ay soo saartay hay’adda UNICEF ayaa looga digay khataro ka dhalan kara abaaro daran oo ay wajahayaan dalalka Soomaliya,Kenya iyo Itoobiya.

 Warbixinta ayaa si gaar ah uga digaysa khatarta ay wajahayaan shacabka Soomaaliyeed halkaas oo la qiyaasayo in 4 milyan oo qof ay u baahan yihiin gargaar oo deg deg ah.

Hay’adda ayaa warbixinteeda ku xustay in caruurta Soomaaliyeed ee da’doodu ka yar tahay shan sano ay wajahayaan xaalad nafaqa darro oo halis ah,2.6 milyan ayaa u baahan gargaar biyo oo deg deg ah ayaa lagu sheegay warbixinta.

Afhayeenka hay’adda UNICEF Victor Chinyama,ayaa tilmaamay in qiimaha biyaha ay sare u kaceen 72% taasoo keentay in ay sare u kacaan cudurada ay ka mid tahay Jadeecada, sidoo kale in ka badan 60,000 oo qof ay halis ugu jiraan in ay qaadaan cudurada shuban biyoodka iyo daacuunka.

PUNTLAND POST

The post Hay’adda UNICEF oo digniin ka soo saartay khataro ka dhalan kara abaarta ka jirta Soomaaliya appeared first on Puntland Post.