Gudiga doorashada S/land oo shaaciyey jadwalka 5 kursi – Yaa ku fadhiyey?

[Deeq A.]

Muqdisho (Caasimada Online) – Guddiga maamulka doorashada ee kuraasta gobollada waqooyi (Somaliland) ayaa soo saaray jadwalka doorashada 5 kursi oo ka mid ah xubnaha Golaha Shacabka Soomaaliya, taas oo dhowaan ka dhaceyso gudaha magaalada Muqdisho.

Warqad kasoo baxday guddiga ayaa lagu sheegay in isla maanta la xareynayo ergada dooraneysa shantaan kursi, isla-markaana lasiinayo tababar ku saabsan doorashada.

Doorashada ayaa dhaceyso 10-ka bishan Febraayo ee sanadka 2022-ka, sida ku cad jadwalka kasoo baxay guddiga doorashada ee gobollada waqooyi.

Kuraasta doorashada la qabanayo ayaa kala ah:- HOP#240, HOP#241, HOP#263, HOP#271 & HOP#205.

Yaa ku fadhiyey kuraastaan?

HOP#240: Suri Diiriye Carab.
HOP#241: Cabdirisaaq Daahir Maxamuud.
HOP#263: Muuse Saciid Jaamac.
HOP#271: Cabdiraxmaan Maxamuud Caateeye.
HOP#205: Sahra Cabdulqaadir Cabdiraxmaan.

Doorashada Golaha Shacabka ayaa ku socoto si dardar-leh, waxaana qorshuhu yahay in lasoo gabagabeeyo 25-ka bishan Febraayo, si loo guda-galo doorashada madaxweynaha.

 

The post Gudiga doorashada S/land oo shaaciyey jadwalka 5 kursi – Yaa ku fadhiyey? appeared first on Caasimada Online.