Midowga Afrika Oo Soo Magacaabay Ku Xigeenka Wakiilka Soomaaliya, Kadib Markii Ay Muqdisho Caydhisay Ku Xigeenkii Hore.

[Deeq A.]

Midawga Afrika ayaa magacaabay ku xigeenkooda wakiilka Soomaaliya u jooga, kadib markii dawladda Soomaaliya ay caydhisay Simon Molunga, ku xigeenkii hore ee wakiilka Midawga Afrika ee Soomaaliya oo ay eedaymo kala duwan u jeedisay.

Fiona Lortan ayaa noqonaysa ku xigeenka cusub ee ergeyga Midawga Afrika, iyadoo uu magacaabay Gudoomiyaha Midawga Afrika.

Soomaaliya ayaa dalkeeda ka caydhisay ku xigeenkii hore ee Midawga Afrika ee Soomaaliya, kadib markii ay ku eedaysay in uu marin habaabinayay baadhitaano lagu samaynayay dad ay laayeen ciidamada AMISOM.

Source