Madax aan Muslimiin ahayn Balse u istaagay difaaca diinta Islaamka

[Deeq A.]

Madax aan Muslimiin ahayn Balse u istaagay difaaca diinta Islaamka

Justin Trudeau rai’sul wasaaraha Canada

Ra’iisal wasaaraha dalka Pakistan ayaa sheegay inuu mudnaan siin doono la dagaalanka fikradaha ku saleysan Islaam naceybka ee sida wen u baahay. Imran Khan ayaa u isticmaala bartiisa Twitter-lka iyo khudbadaha uu jeediyo inuu ku riddiyo fikradah uu arko in lagu diidan yahay diinta Islaamka.

Muslimiin badan ayaa sanooyiinkii u dambeeyay ka cabanayay sare u kac ku yimid Islaam naceybka gaar ahaan kuwa ku nool galbeedka.

Waxaa ka mid ah waxyaabaha Muslimiinta lagu shabadeeyo arrimaha la xiriira argagixisada.

Hadaba iyada oo ay taasi jirto haddana waxaa jira hogaamiyayaal badan oo aan Muslimiin ahayn oo iyagu difaacay dadka Muslimiinta islamarkaana ka soo horjeedsay Islaam naceybka.

Waxaan halka idinkugu soo gudbinaynaa qaar ka mid ah hogaamiyayaasha aan Muslimiinta ahayn ee muddooyiinkii u dambeeyay ka difaacay Muslimiinta Islam naceybka.

Justin Trudeau

Rai’sul wasaaraha dalka Canada Justin Trudeau waxaa uu ka mid yahay madaxda reer galbeedka ee sida cad uga soo horjeedsaday Islaam naceybka.

Mr Trudeau ayaa sanadkii 2020 sheegay in Islaam nacaybka uu yahay wax aan la aqbali karin , wuxuuna wacad ku maray inuu dalkiisa ka dhigi doono mid ay ku ammaan helaan Muslimiinta.

Trudeau waxa uu yiri “Islam nacaybka iyo nacaybka, nooc kastaba ha ahaatee, meelna kuma laha Canada”.

Wuxuu intaa ku daray “Waxaan u baahanahay inaan joojino nacaybkan oo aan ka dhigno bulshooyinkeena kuwa nabad kula nool Muslimiinta Canada.”

Waxa uu rai’sul wasaaraha hadalkiisaas ku soo beegmay ka dib Weerarkii Masjid ku yaalla magaalada Québec lagu qaaday.

Vladimir Putin

Vladimir Putin

Madaxwaynaha dalka Ruushka Vladimir Putin ayaa ka mid ah madaxda aan Muslimiinta ahayn ee isagu si toos u difaacay Muslimiinta.

Waxaa uu si wayn uga soo horjeedsaday aflagaadada lagula kaco Nabi Maxamed (scw) IYO islaam naceybka.

Madaxweyne Putin oo khudbad ka jeedinayay bishii December ee aanu soo dhaafnay, ayaa sheegay in aflagaadad Nebi Maxmed (NNKH) aan lagu tilmaami karin”muujinta xorriyatul qowlka “.

Aflagaadada Nebi Muxamed (NNKH) waa “ku xadgudubka xoriyada diinta iyo ku xad-gudbka dareenka xurmada leh ee dadka Muslimiinta ah ,” ayuu intaa ku daray.

Jacinda Ardern

Jacinda Ardern

Markii ay weerar ay dadka badan ku dhinteen uu nin hubeysan ku qaaday misaajid ku yaalla magaalada Christchurch ee dalka New Zealand, waxa ay ahayd mid dad badan ay ka argagaxeen.

Balse qaabkii ay uga jawaabtay rai’sul wasaaraha New Zealand Jacinda Ardern ayay dad badan ammaan u soo jeediyeen.

Mrs Ardern ayaa Musliminta dalkaasi u muujisay naxariis iyo sida ay uga xuntahay waxa ku dhacay.

Waxaa ay soo xiratay xijaab iyada oo la kulantay Musliinta sheegtay-na in Musliminta aan laga xigin dalka New Zealand.

Weerarkaas Christchurch waxaa ku dhintay dad gaarayay 50 qof oo ahaa Muslimiin ku cibaadeysanayay misaajidka la weeraray.

Brack Obama

Barack Obama

Madaxwaynihii hore ee Mareykanka Brack Obama ayaa intii uu xilka hayay waxaa uu si wayn uga soo horjeedsaday Islaam naceybka.

Waxaa uu difaaci jiray dadka Muslimiinta ah ee ku nool dalka Mareykanka isaga oo ka soo horjeeday in diintooda lagu cunsuriyeeyo.

Waxaa uu dadka Mareykanka ugu baaqa xilligaasi in Islaam naceybka lala dagaalamo.

“Muslimiinta Mareykanka waa saaxiibadeena iyo dariskeena, kuwa aan wada shaqeyno, geesiyaashayada isboortiga – iyo, haa, waa rag iyo dumar ku labisan dirayska ciidanka,” ayuu yiri Obama.

Qaran News