Saddex qof oo labo ka mid ah yihiin saraakiil ciidan oo lagu dilay Gaalkacyo

[Deeq A.]

Saddex qof oo ka soo kala jeeda Puntland iyo Galmudug, labo ka mid ahna yihiin saraakiil ciidan ayaa xalay lagu dilay magaalada Gaalkacyo ee xarunta gobi.

Sida uu sheegay guddoomiyaha gobolka Mudug ee Puntland Cabdiladiif Muuse Nuur (Sanyare) waxaa fiidkii hore ee xalay waqooyiga Gaalkacyo lagu dilay qof ka soo jeeda Galmudug, dhacdadaas oo sababay in labo sarkaal oo ka tirsan Puntland la afduubo oo lagu dilo koonfurta Gaalkacyo.

Guddoomiye Sanyare oo shir jaraa’id ku qabtay Gaalkacyo wuxuu sheegay in ay gacanta ku hayaan ciddii dilka ka gaysatay dhanka Puntland, sidaas si la mid ahna ay Galmudug ka rajaynayaan in ay soo qabtaan ciddii falka ka gaysatay dhankooda.

Guddoomiye Sanyare wuxuu tilmaamay in Puntland iyo Galamudug ay kuwada jiraan la dagaalanka Al-shabaab, wixii amni-darro ah oo ka dhexdhaca labada maamulna ay u arkaan mid loogu adeegayo Al-shabaab.

Hoos ka daawo shirka jaraa’id ee Sanyare

PUNTLAND POST

The post Saddex qof oo labo ka mid ah yihiin saraakiil ciidan oo lagu dilay Gaalkacyo appeared first on Puntland Post.