Xuutiyiinta oo Gantaalo & Diyaaradaha Droniska ku weeraray Imaaraadka+Khasaaraha Dhimasho & Dhaawac

[Deeq A.]

Xuutiyiinta oo Gantaalo & Diyaaradaha Droniska ku weeraray Imaaraadka+Khasaaraha Dhimasho & Dhaawac

Xuutiyiintu waxay bartilmaameedsan jireen magaalooyinka koonfurta Sacuudiga

Dowladda Imaaraatka Carabta ayaa ku eedeeysay kooxda Xuutiyiinta Yemen in ay fuliyeen weerar saddex qof ay ku dhinteen oo ka dhacay magaalada Dubia.

Sargaal lagu magacaabo Anwar Gargash oo u hadlay xukuumadda Imaaraadka ayaa ku tilmaamay weerarka fal aad u fool xun.

Saddex Booyad oo ah oo kuwa shidaalka qaada ah ayaa qarxay, waxaana ku dhintay saddex qof, waxaana dab uu ka kacay meel u dhow garoonka diyaaradaha ee Dubia Isniintii,

Dowladda Imaaraatka Carabta ayaa sheegtay in ay “xaq u leeyihiin in ay ka jawaabaan weerarka ay ” Xuutiyiinta ku soo qaadeen magaalada Dubia.

Bayaanka ka soo baxay dowladda Imaaraadka ayaa lagu yiri : “Weerarka ma ahaan doono mid aysan ka dhalan ciqaab.”

Sarkaal ka tirsan Imaaraatka ayaa ku tilmaamay weeraradii Isniintii lala beegsaday dubia inay ahaayeen “gardarrada ay ku kaceen Xuutiyiinta,” sida ay wakaaladda wararka ee Reuters ka soo xigatay.

Afhayeen u hadlay Xuutiyiinta ayaa sheegay in shan gantaal oo ah nooca ballistic-ga ah iyo tiro diyaarado ah loo adeegsaday, wuxuuna ku hanjabay weeraro kale oo ay ku qaadi doonaan waxa uu ugu yeeray goobo muhiim ah oo Imaaraadka ku yaalla

Fal-celinta caalamka ee weerarkan

Dhanka kale weerarkan ayaa waxaa si wayn u canbaareeyay qaar ka mid ah dalalka Khaliijka iyo wadamo kale.

Aqalka Cad ayaa cambaareeyay weerarka, isagoo wacad ku maray inuu la xisaabtami doono fallaagada Xuutiyiinta.

Afhayeen (Jake Sullivan) ayaa sheegay in Mareykanka ay ka go’an tahay sugidda ammaanka Imaaraadka.

Sacuudi Carabiya iyo Baxrayn waxay dhalleeceeyeen wax ay ku tilmaameen weerar “argagixiso oo fuleynimo ah”.

“Waxaan cambaareyneynaa weeraradii 17-kii Janaayo ay diyaaradaha aan duuliyaha lahayn ay ku qaadeen magaalada Abu Dhabi ee xarunta Imaaraadka,” ayaa lagu yiri war rasmi ah oo kasoo baxay Turkiga.

 

Xuutiyiinta ayaa si joogta ah u adeegsada diyaaradaha Droniska

Sidoo kale dowladda Qadar ayaa dhankeeda cambaareysay weerarka lagu qaaday Imaaraadka.

Ma jiro wax hadal ah oo ka soo baxay saraakiisha Iran, balse wakaaladda wararka ee Iran ee Tasnim ayaa sheegtay in uu ahaa “hawlgal muhiim ah”.

Haddii la xaqiijiyo weerarka ay Xuuthiyiintu u adedgsadeen diyaarad aan duuliye lahayn, oo ay ku qaadeen caasimadda Imaaraatka, waxay sii xoojin doontaa dagaalka u dhexeeya kooxda iyo xulafada Sucuudigu hoggaamiyo.

Tallaabadan ayaa sidoo kale laga yaabaa inay caqabad ku noqoto dadaallada lagu doonayo in lagu xakameeyo xiisadda gobolka sida midda u dhaxeeysa Washington iyo Tehran .

Dalka Imaaaraadka ayaa door muhiim ah ku leh xulafada uu Sucuudigu hoggaamiyo ee dagaalka kula jira Xuutiyiinta Yemen.

Qaran News