Madaxweyne Deni oo guddoomiye cusub u magacaabay gobolka Bari

[Deeq A.]

• Shaahdoon Cali Yare

Madaxweynaha Puntland Siciid Cabdullaahi Deni ayaa guddoomiyaha gobolka Bari u magacaabay Cabdirisaaq Cali Siciid (Shaahdoon).

Cabdirisaaq Shaahdoon waa siyaasi hore xilal uga soo qabtay Puntland, isagoo wasiiro ka soo noqday wasaaradaha kalluumeysiga iyo ganacsiga, wuxuuna dhowr iyo tobankii sano ee u dambeeyay ka maqnaa saaxadda siyaasadda Puntland.

Shaahdoon ayaa baddelaya Cabdisamed Abwaan oo loo doortay Senator ka tirsan Aqalka Sare ee Baarlamaanka Federaalka Soomaaliya.

Hoos ka akhriso wareegtada Madaxweyne Deni

Garoowe: 13 January 2022: Madaxweynaha Dowladda Puntlnd Mudane Siciid Cabdullaahi Deni, ayaa soo saaray Xeer Madaxweyne Lr. 001 ee 13-ka January 2022, kuna saabsan magacaabid Guddoomiyaha Gobolka Bari.

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80aad.

Markuu la tashaday : Madaxweyne Ku-xigeenka Dowladda Puntland.

Marku arkay : Tallo soojeedinta Wasaaradda Arrimaha Gudaha

Markuu arkay: Aqoontiisa, kartidiisa iyo waayo-aragnimadiisa shaqo.

Wuxuu xeeriyey:

1. Waxaa Cabdirisaaq Cali Siciid loo magacaabay Guddoomiyaha Gobolka Bari

*Xeerkani wuxuu dhaqan gelayaa markuu Madaxweynuhu saxiixo, wuuna saxiixay.

DHAMMAAD

---

PUNTLAND POST

The post Madaxweyne Deni oo guddoomiye cusub u magacaabay gobolka Bari appeared first on Puntland Post.