Shir ay yeelan doonaan Golaha Wadatashiga Qaranka oo la cayimay

[Deeq A.]

Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa shaaciyay shir ay todobaadka dambe Muqdisho ku yeelan doonaan Golaha Wadatashiga Qaranka ee ka kooban dowladda federaalka iyo dowlad goboleedyada.

Qoraal ka soo baxay xafiiska Ra’iisul Wasaare Rooble ayaa lagu sheegay in 27-ka bishan December, 2021 ay magaalada Muqdisho isugu iman doonaan Madaxda Golaha Wadatashiga Qaranka.

Shirka Muqdisho ayaa la sheegay in looga hadli doono dardargelinta geeddi socodka, toosinta iyo dhammeystirka doorashooyinka dalka.

“Ra’iisul Wasaaraha XFS Mudane Maxamed Xuseen Rooble, ayaa ku casuumay Madaxda Golaha Wadatashiga Qaranka in ay isugu yimaadaan shir 27-ka bishan December, 2021 ka dhici doona magaalada Muqdisho, kaas oo looga arrinsanayo dardar gelinta geeddi socodka, toosinta iyo dhammeystirka doorashooyinka dalka” ayaa lagu yiri qoraal ka soo baxay xafiiska Rooble.

PUNTLAND POST

The post Shir ay yeelan doonaan Golaha Wadatashiga Qaranka oo la cayimay appeared first on Puntland Post.