Laascaanood: Booliiska Somaliland oo raafay dad rayid ah oo ka soo jeeda koonfurta Soomaaliya

[Deeq A.]

Booliiska Somaliland ayaa saaka gaadiid ku daabulay boqollaal rayid ah oo ka soo jeeda Koonfurta Soomaaliya kuwaas oo xalay laga raafay suuqyada magaalada Laascaanood.

Dadkan ayaa lagu ururiyay gudaha garoonka kubadda Cagta Cabdi Bile ee Laascaanood halkaas oo aan la ogolayn in cidna ku booqato.

Dadkan laga raafay Laascaanood ayaa u badan ganacsatada yar yare ee ka soo jeeda Baay iyo Bakool oo laga qabtay iyaga oo ku ganacsanaya suuqyada magaalada.

Wararka ayaa sheegay in Nabad-sugidda Somaliland ay jirdil u gaysteen qaar kamid ah ganacsatada islamarkaana la weydiiyay in xiriir kala dhexeeyo Al-shabaab.

Qaar kamid ah dadkii ka badbaaday raafkii xalay ayaa si dhuumasho ah ugu cararay dhinaca magaalada Garoowe ee caasimadda Puntland oo qiyaastii 135KM u jirta degmada Laascaanood.

PUNTLAND POST

The post Laascaanood: Booliiska Somaliland oo raafay dad rayid ah oo ka soo jeeda koonfurta Soomaaliya appeared first on Puntland Post.