Kim Jong Un oo ka deyriyay xaaladda dalkiisa

[Deeq A.]

Hoggaamiyaha Korea-da Waqooyi Kim Jong Un ayaa ka deyriyey xaaladda cunta-yarida ka jirta dalkiisa, sida laga soo xigtay warbaahinta dowladda.

Kim ayaa sheegay in dhaqaalaha dalkiisa uu sanadkan horumar sameeyey, balse wuxu ku baaqay tallaabooyin wax looga qabanayo xaaladda cunta-yarida food-saartay dalkaas.

Kim ayaa hoggaamiyey kulan ay yeesheen xisbiga Talada haya ee shaqaalaha, kaasi oo dib u eegis loogu sameynayey siyaasadaha waa weyn ee dalka, laguna dejinayey tallaabooyin lagu xalinayo xasaradaha dhaqaale ee dalkaas.

Kim ayaa sheegay in si guud dhaqaalaha Korea-da Waqooyi uu barkii hore ee sanadkan horumar sameeyey, ayada oo wax soo saarka warshadaha uu sare u kacay 25%, marka loo eego sanad kahor, sida ay sheegtay warbaahinta.

Xisbiga ayaa wacad u maray in uu dhammaan dadaallada isugu geyn doono beerashada sanadkan.

PUNTLAND POST

The post Kim Jong Un oo ka deyriyay xaaladda dalkiisa appeared first on Puntland Post.