Taliye Xuseen: waa in baaritaan lagu sameeyo gaari kasta oo ciidamada Puntland leeyihiin

[Deeq A.]

Taliyaha Qaybta Booliiska Gobolka Bari G/sare Xuseen Cali Maxamuud (Daan), ayaa amar ku bixiyay in baaritaan lagu sameeyo gaari kasta oo ciidan leeyahay, haddii uu soo maro bar-kantarool.

“Askari kasta oo bar-kantarool jooga, waa in uu baaritaanka ku bilaabo gaari kasta oo ciidan leeyahay, haddii uu weynyahay iyo haddii uu yaryahay” ayuu yiri Taliyaha.

Amarkan ayaa ka dambeeyay, kadib markii saaka gaari ciidamada Puntland leeyihiin lagu qabtay khamri fara badan, oo laga soo buuxiyay kartoonada Saliidda lagu iibiyo.

Khamrigan iyo gaarigii siday waxa lagu qabtay kantaroolka magaalada Boosaaso, kadib markii ay ka carareen askar ka tirsan ciidanka dowladda oo watay khamrigaas.

Hoos ka daawo muuqaalka Taliyaha

PUNTLAND POST

The post Taliye Xuseen: waa in baaritaan lagu sameeyo gaari kasta oo ciidamada Puntland leeyihiin appeared first on Puntland Post.