Puntland oo ku dhawaaqday shir weyne ku saabsan xallinta Caqabadda Ardayda Puntland ka soo wajahday Turkiga

[Deeq A.]

Dowladda Puntland ayaa maanta oo Axad ah ku dhawaaqday, shirweyne ku saabsan xallinta caqabadda soo wajahday Ardayda Reer Puntland ee Waxbarashada heerka labaad u raadsada Turkiga, kadib markii hay’adda Tacliinta sare u qaabilsan Turkiga ee YOK ay sheegtay, in aysan aqoonsanayn Shahaadada Jaamacadaha Puntland.

Shirka waxa looga arrinsan doonaa Dib u-eegista, Qiimaynta, Hormarinta iyo Tayeynta Tacliinta Sare ee Puntland iyo xallinta caqabadda soo wajahday Ardayda Reer Puntland ee Waxbarashada heerka labaad u raadsada Turkiga.

War-saxaafadeed ka soo baxay Wasaaradda Waxbarashada dowladda Puntland ayaa sidoo kale lagu sheegay  in la hawl-gelinayo Guddiga Tacliinta Sare ee Puntland, si uu waajibaadkiisha shaqo u guto, islamarkaana qayb uga noqdo xallinta Caqabaddan soo korortay.

PUNTLAND POST

The post Puntland oo ku dhawaaqday shir weyne ku saabsan xallinta Caqabadda Ardayda Puntland ka soo wajahday Turkiga appeared first on Puntland Post.