Ganacsade Soomaali Ah Oo Lagu Dilay Koonfur Afrika Iyo Ninkii Dilay Oo La Toogtay

[Deeq A.]

(SLT- Cape Town)-Wararka laga helayo waddanka Koonfur Afrika ayaa sheegaya in saacadihii la soo dhaafay muwaadin Soomaali ah oo sidoo kale ka mid ah ganacsatada ku dhaqan gudaha dalkaasi lagu dilay dulleedka magaalada Cape Town.

Marxuumka oo lagu magacaabi jiray, Maxamed Cabdullahi Gacaney ayaa dilkiisu waxa uu ka dhacay tuullada Khayelitsha oo ka tirsan magaalada Cape Town ee dalka Koonfur Afrika.

Wararka ayaa sidoo kale sheegaya in muwaadinkaasi Soomaaliga oo dhalinyarro ahaa in lagu dhex dilay goobtiisa ganacsi, xilli uu ku guda jiray howlihiisa shaqo maalmeed.

Qaar ka mid ah ganacsatada Soomaalida ee dalkaasi ayaa sidoo kale shaaciyey in isna toogasho lagu dilay ninkii dambeeyey falkaasi oo isku dayey inuu baxsado.

Sidoo kale waxaa goobta gaadhay ciidamo ka tirsan kuwa Booliska Koonfur Afrika oo baadhitaano kooban ka sameeyey xaafadda uu dilku ka dhacay, balse ka ayna hadlin.

Si kastaba muddooyinkii dambe ayaa waxaa isa soo tarayey dilka, dhaawaca iyo boobka hantiyeed ee loo geysnayo ganacsatada Soomaalida ah ee ku dhaqan Koonfur Afrika.

Source