Dad gaaraya 2000 oo ka qaxay colaadda Daarfuur ayaa gaaray dalka Chad

[Deeq A.]

Qaramada Midoobe ayaa sheegtay in 1,860 qof oo ka qaxay rabashadihii ugu danbeeyay ee ka dhacay gobalka Daarfuur  ee Suudaan inay gareen dalka Chad.

Mas’uul u hadlay Qarmada Midoobe ayaa sheegay in dadkaan oo u badan haween iyo carruur ay u tallaabeen xadka dalka deriska la ah Suudaan ee Chad, iyagoo ka cararaya colaadaha qabiileed ee dhaawan ka dhacay Daarfuur.

Mas’uulka ayaa intaas ku daray in dadka qaxay ay hadda u baahanyihiin meel ay ku hoydaan iyo waxey cunaan.

Dagaalkii ugu danbeeyay ee ka dhacay Daarfuur waxaa ku dhintay 144 qof, waxaana ku dhaawacmay in ka badan 200 oo qof.

Gobalka Daarfuur waxaa ku badan dagaalada u dhaxeeya qabiilada kuwaas oo inta badan isku dagaala kheyraadka deegaanka.

PUNTLAND POST

The post Dad gaaraya 2000 oo ka qaxay colaadda Daarfuur ayaa gaaray dalka Chad appeared first on Puntland Post.