Dubbe oo Farriimaha Beesha Caalamka ku Tilmaamay Mid aan La Aqbali Kareyn

[Deeq A.]

Wasiirka Warfaafinta Dowladda Soomaaliya Cismaan Abuukar Dubbe ayaa sheegay in aysan sal iyo raad laheyn eedaha iyo Hanjabaadaha ka soo baxaya beesha caalamka .

Saaxibada taagera Soomaaliya ayaa 48-saac ee la soo dhaafay waxa ay eeda kulul u jeeydinayeen dowladda federaalka iyo Maamul Gobaleedyada dalka.

Wasiir Dubbe oo warbaahinta la hadlay ayaa yiri “Waxaan jira danjirayaal mararka qaar qora, oo usoo dira dowladda Soomaaliyeed iyo shacabka Soomaaliyeed farriin aan waafaqsaneyn shauruucda caalamiga ah iyo ixtiraamka madaxbannaanida dalalka. ”

Dubbe ayaa intaas hadalkiisa sii raaciyay ”

JFS waa jamhuuriyad madaxbannaan, arrimaheedu gudahana ay yihiin lama taabtaan, lamana fara geliyaan, Soomaaliya Cidna doorashadeeda ma farageliso, tweeterna uma qorto, sidaa oo kale saxiibada caalamka waxaan ugu baaqeynaa iney ilaaliyaan madaxbannanida iyo wadajirka bulshada caalamka, farriin kasta oo ka hor imaaneysa madaxbbaanida iyo gobannimada waa mid aan la aqbali kareyn.

Source: goobjoog.com