Shirka Ra’iisul wasaaraha XF iyo musharraxiinta oo furmay + Sawirro

[Deeq A.]

Kulan gaar ah ayaa haatan magaalada Muqdisho uga furmay Midowga Musharrixiinta, madaxda Galmudug, Hirshabelle iyo Ra’iisul wasaare Maxamed Xuseen Rooble.

Ajandaha shirka ayaa la xiriira xaaladda Siyaasadeed ee dalka iyo rabshadaha ka dhashay Doorashada waqtigeeda kadib dhacday iyo sidii dalka looga badbaadin lahaa inuu lugaha la galo qalalaase siyaasadeed.

Wararka  sheegayaan in uusan shirka ka qeyb galin Ra’iisul Wasaarihii hore ee Soomaaliya Xasan Cali Kheyre, lamana oga sababta ka dambeysa inuu ka baaqsado shirka.

Sidoo kale waxaa shirkan goobjoog ah madaxweynayaashii hore, Shariif Sheikh Axmed iyo Xasan Sheikh Maxamuud.

Ra’iisul Wasaaraha Soomaaliya ayaa shirkan horay ugu baaqay, isagoo sheegay inuu la farriisanayo cid kaste oo dowladda wax ka tabanaysa.

Waxa kale oo lagu wadaa in looga arrinsado sidii doorashada degdeg loogu qaban lahaa iyo in cabashada musharrixiinta la tixgaliyo.

Qabsoomida shirkan ayaa kusoo aadaya xilli maalinta berrito ay mucaaradku u ballansan yihiin mudaharaad, iyadoo dowladduna ay ku jirto sidii ay uga hortagi lahayd.

Halkan hoose ka daawo sawirrada:-

View the full article