Cabdi Xaashi oo war ka soo saaray Guddiga Gobolada Waqooyi ee Somaliland

[Deeq A.]

Guddoomiyaha Aqalka Sare ee Cabdi Xaashi cabdullaahi ayaa Goor dhowayd Qoraal ka soo saaray khilaafka ka taagan arrinta Xildhibaanada labada Aqal ee Baarlamaanka ee Gobolada ee Waqooyi (Somaliland).

Qoraal kasoo baxay Xafiiska guddoomiye Cabdi Xaashi ayaa waxaa lagu sheegay in aysan jirin cid dadka kasoo jeeda Somaliland uga qeyb galay shirarkii Madaxda ee looga hadlaayay arrimaha doorashooyinka dalka ka dhacaya, sidoo kalena uusan jirin heshiis laga gaaray arrintaan.

Madaxweyne Farmaajo iyo Xukuumadda ayuu ku eedeeyay Cabdi Xaashi inay dadaal adeg u galeen in aan laga hadlin arrimaha doorashada ee Xildhibaanada Gobolada Waqooyi, isla markaana faafiyeen warar been abuur ah oo aan waxba ka jirin.

Dowlad Goboleedyada dalka iyo dadka kale ee ku jira xal u helida doorashada Soomaaliya ayaa u Guddoomiye Cabdi Xaashi u caddeeyay in dadka kasoo jeeda Somaliland ay doonayaan in iyagu ay u madax banaanadan maamulida doorashada Xildhibaanada Gobolada Waqooyi, iyadoo la marayo hanaan Guddi sare.

PUNTLAND POST

The post Cabdi Xaashi oo war ka soo saaray Guddiga Gobolada Waqooyi ee Somaliland appeared first on Puntland Post.