Booliiska magaalada Garoowe oo sheegay in ay xalay ka hortageen dhacdo fool-xun

[Deeq A.]

Ciidanka Booliiska Gobolka Nugaal, ayaa shaaciyay in ay xalay ka hortageen dhacdo fuul-xun oo gabar dhalinyaro ah ku doonaysay in ay is gubto.

Qoraal lagu daabacay barta Facebook-ga ee Booliiska Puntland, ayaa lagu sheegay in Ciidanka Amniga Garoowe ka hortageen arrintan oo ka dhacday xaafad ka tirsan caasimadda Garoowe.

Qoraalka waxa lagu xusay, in gabadhu wadatay baasiin iyo taraq ay doonaysay in isku gubto, balse uu taraqii u bixi waayay, kadib markii uu qoyay.

Booliisku waxay sheegeen in gabadha loo qaaday isbitaalka guud ee Garoowe, si loo dabiibo xaaladeeda caafimaad, kadibna baaritaan loogu sameeyo.

Sidoo kale, waxay tilmaameen in la aqoonsaday xubno ka tirsan Qoyska gabadha. islamarkaana lala socod-siiyay dhacdada.

PUNTLAND POST

The post Booliiska magaalada Garoowe oo sheegay in ay xalay ka hortageen dhacdo fool-xun appeared first on Puntland Post.