Deni Iyo Axmed Madoobey Oo Ku Baaqay Shir Deg-deg Ah

[Deeq A.]

(SLT-Garoowe)-War-saxaafadeed ay wada jir u soo saareen madaxweyne dowlad gobolleed Puntland iyo Jubaland ayaa ay ku dalbadeen shir deg deg ah lagaga hadlayo khilaafka ka taagan qabsoomida doorashada Soomaaliya.

Waxaa ay si weyn war-saxaafadeedkooda uga hadleen heshiiskii doorasho ee madaxda Dowladda iyo dowlad goboleedyada Muqdisho ku gaadheen 17-kii bishii September, kaas oo dhaqan geli waayay iyo caqabadaha ka hor yimid.

30-ka bishan January ayaa ay ku baaqeen in la qabto shir weyn looga arrinsanayo doorashooyinka dalka, madaama 8 February oo maalmo kooban uun naga xigaan uu ku eg yahay muddo xileedka dowladda hadda jirta.

Source