XF Soomaaliya oo amar dul-dhigtay Hay’adaha ka howl-gala dalka

[Deeq A.]

Wasiir qorsheynta dowladda Soomaaliya Jamaal Maxamed Xasan ayaa sheegay inay hay’addaha ka shaqeeyaa gudaha dalka ay sanadkii tagay kala hishiiyeen inay isticmaalaan bankiga dalka, lana rabo hadda in lagula xisaabtamo dhaqan galinta hishiiskaasi, sidoo kalena lagu adkeeyo sida Soomaalida loogu xoojiyo inay isticmaalaan bankiyada dalka.

“Waa in lala xisaabtamaa Hay’addaha ka shaqeeya dalka halka ay mariyaan lacaga dalka ay soo galiyeen horeyna waan kala hishiinay sidaa dareedeed waa inaan xoojinaa dhaqan galinta hishiisyada”

Sidoo kale wuuxuu intaasi sii raaciyey  “Lacago ka badana labo bilyan ayaa sanadkiiba soo gasha dalka marka waa in lala socdaa sida loo maareeyo iyo habraacyada loo maray iyadoo la dhaxmarinayo bankiga dalka,”.

Wasiirka waxaa kaloo sheegay hadii aan la xisaabin lacagahaan iyo waxyaabaha ku xeeran waxaa laga yaaba in dhaqaale badan uu ka maqnaado siistamka dowladda iyo shruucaha lagu hago dalka .

Jamaal Maxamed Xasan ayaa sidoo kale sheegay inay diyaariyeen barnaamij lagula soconayo lacaga doolarka ee soo galo dalka halka lagu haayo iyo waxyaabaha lagu qabto.

“Waxaan Sameynay Bar lagula socdo lacagaha doolarka ee dalka la soo galiyo, halka lagun isticmaalo iyo goobaha ay yaalaan waxaana ka mid tahay qorsha ay diyaarisay wasaaradda qorsheynta sidoo kale qof kasto waxaa uu kala socon karaan Page-ka wasaaradda .

View the full article