Ciidamada Xoogga dalka oo la wareegay deegaano hor leh

[Deeq A.]

Wararka naga soo gaaraya gobolka Jubbada Hoose ayaa sheegaya in saacadihii la soo dhaafay ciidamada Xoogga ay howl-gallo ka sameeyeen  deegaano ka tirsan gobolkaasi.

How-gallada oo ahaa kuwa qorsheysan ayaa waxaa fuliyey ciidamada Kumaandooska Danab oo isku fidiyey deegaano hoostaga degmada Jamaame ee gobolkaasi.

Saraakiisha ciidamada Danab ayaa shaaciyey  inay la wareegeen deegaanada Beer-Xaani,Cabdi Dhoore, Qudus iyo Liba Kuus oo ay horey ugu sugnaayeen Al-Shabaab.

Sidoo kale waxa ay intaasi ku dareen inay nolosha ku qabteen illaa saddex xubnood oo ka tirsan Xarakada Al-Shabaab.

Maalmihii u dambeeyey ciidamada dowladda & kuwa Jubbaland ayaa howl-gallo ka dhan ah Al-Shbaab ka waday gobollada Jubbooyinka ee koonfurta Soomaaliya.

 

View the full article