Qarax Ismiidaamina oo lagu weeraray Injineero Turki ah +Khasaraaha ka dhashay

[Deeq A.]

Warar kala duwan ayaa ka soo baxaya qarax is-miidaamiin ahaa oo maanta ka dhacay wadada xidhiidhisa magaalooyinka Muqdisho & Afgooye, halkaas oo ay dhismo ka wadaan Injineero Turki ah iyo shaqaale kale.

Qaraxa oo uu fuliyey ruux isku soo xidhay walxaha qarxa ayaa ka dhacay inta u dhexeysa Lafoole & Xaawo Cabdi, kaas oo geystay khasaare isugu jiro dhimasho iyo dhaawac.

Wararka ayaa sheegaya in qaraxa lala beegsaday Injineerada Turkiga ee dhismaha ka wada wadadaasi iyo ciidamada Booliiska ee ilaalinaayey.

Ilo deegaanka ah ayaa Warbaahinta u sheegay in ruuxa ay ka shakiyeen ciidamada ammaanka ayna ku fureen rasaas, balse uu qarxay marka uu ku soo dhowaaday.

Ugu yaraan labo ka mid ah ciidamada ilaalinayey Injineerada Turkida ah ayaa dhintay, halka ay dhaawacmeen 3 ka mid ah shaqaalaha Turkiga iyo 4 ka tirsan askarta ilaalada.

Si kastaba ma’ahan markii ugu horreysay oo qarax lala eegto shaqaalaha iyo Injineerada dhismaha ka wada jidka isku xidha magaalooyinka Muqdisho iyo Afgooye.

Qaran News