Banaanbax ballaaran oo markale ka dhacay magaalada Beledweyne

[Deeq A.]

Waxaa mar kale maanta magaalada Beledweyne ee xarunta gobolka Hiiraan ka dhacay dibad-bax looga soo horjeedo dowlad goboleedka HirShabelle.

Dadka dibad-baxa dhigayey oo isugu jiray haween iyo dhalinyaro ayaa isugu soo baxay xaafadda Xaawo-Taako oo ka tirsan magaaladaasi.

Sidoo kale dibad-baxayaasha ayaa ka soo horjeeday xarigga dad taageersan Janaraal Xuud oo maalmo ka hor lagu xir xiray saldhigga Booliiska Beledweyne.

Ciidamo ka tirsan kuwa ammaanka ayaa sidoo kale goobta tagay, kuwaas oo isku dayey inay kala eryaan dibad-baxayaasha, iyadoo markii dambe uu sii xoogeystay banaanbaxa.

Xaaladda ayaa hadda aad u kacsan, waxaana meelaha qaar lagu arkayaa ciidamada ammaanka oo dhaq-dhaqaaqyo ka wada halkaasi.

View the full article