Xaalad kacsanaan ah oo maanta ka jirta magaalada Laascaanood

[Deeq A.]

Jaah wareer iyo qalalaase xooggan, ayaa maanta ka aloolsan suuqyada magaalada Laascaanood ee xarunta gobolka Sool, kadib markii ganacsatada waa weyn ee magaaladaasi ay diideen socod-siinta iyo qaadashada Lacagta Shilinka Soomaaliga ah.

Dhammaan suuqyada kala duwan ee Laascaanood ayaa xiran, waxaana ganacsatada yar yar ee Hilibka iyo Khudaarta iibiya ay halkaas ka sameeyeen muddaharaad xoogan.

Ganacsatada yar yar ayaa ka cabanaya go’aanka ganacsatada waa weyn ku diideen isticmaalka lacagta Shilinka Soomaaliga ah oo muddooyinkii u dambeeyay laga aamin-baxay, kadib markii uu qiima dhac xooggan ku yimid.

Diidmada lacagta Shilinka Soomaaliga ah ee magaalooyinka Garoowe, Boosaaso iyo Laascaanood ayaa waxaa saamayn daran ay ku yeelatay bulshada ku dhaqan halkaasi.

View the full article