Gulmudug oo Gaartay Finalka Tartanka Maamul Goboleedyada Markii Ugu Horeysay

[Deeq A.]

Waxaa goordhaw garoonka kubadda cagta ENG yariisow ee magaalada Muqdisho lagu soo gabagabeyay kulan ciyaareed xiisa badan kaas oo ka tirsan tartanka kubadda cagta maamul gobaleedyada dalka.

Ciyaartan oo ay u soo daawasha tageen in ka badan 30,000 tageerayaal ah ayaa waxa uu ahaa Semi-finalka tartanka waxaana wada ciyaaray xulalka maamulada Galmudug iyo Puntland .

Labada maamul ciyaartoydoda oo soo bandhigay inii uu kulanka socday ciyaar wanaag , ayaa waxa ciyaartu ay guusha ay ku raacday maamuka Galmudug oo dhigiisa Puntland kaga adkaaday 2:1.

Maamulka Galmudug ayaana si rasmi ah u xaqiijiyay sanadkan in uu soo gudbay Finalka tartanka kubadda cagta maamul gobaleedyada dalka .

Ciyaartooyda xulka Galmudug ayaa waxa ay sugi doonan maamulada Banadir iyo Koonnfur galbeed oo beri galab wada ciyaari doono.

Waana taariikhda markii ugu horeeysay ee xulka maamulka Galmudug ay u soo baxaan Finalka tartanka maamul gobaleedyada dalka.

Goobjoog News

Source: goobjoog.com