Deeq A. Posted December 26, 2020 Wufuud ay kala hoggaaminayaan guddoomiyeyaasha labada aqal ee baarlamaanka federaalka Soomaaliya Maxamed Mursal iyo Cabdi Xaashi ayaa maanta soo gaaray magaalada Garowe ee xarunta Puntland. Wufuuda waxaa garoonka diyaaradaha Gen. Maxamed Abshir ee Garowe ku soo dhaweeyay madaxweynaha Puntland Siciid Cabdullaahi Deni iyo mas’uuliyiin kale. Sidoo kale Garowe waxaa maanta soo gaaray qaar kamid ah musharaxiinta doorashada madaxtinimada Soomaaliya ee 2021. Wafuuda kala duwan ee maanta yimid Puntland iyo kuwo la filayo in ay maalmaha soo socda soo gaaraan Garowe oo ay kamid yihiin madaxda dowlad goboleedyada, ayaa dhammaantood ka qeybgeli doona Madasha doodaha machadka Heritage oo markii ugu horeysay lagu qabanayo gudaha dalka, Garowe-na ka furmaysa 29 bishan December. Madasha Heritage waxaa looga doodi doonaa xasilinta dalķa, dhameystirka dastuurka, qabasho doorasho qof iyo cod ah 2025 iyo yagleelida nidaam federaal oo shaqeynaya. PUNTLAND POST The post Madax ku soo qulqulaysa Garowe appeared first on Puntland Post. Share this post Link to post Share on other sites
