Sawirro: Guddoonka labada aqal ee BF Soomaaliya oo gaaray Garoowe

[Deeq A.]

Magaalada Garoowe ee gobolka Nugaal waxaa maanta gaaray guddoomiyeyaasha labada aqal ee baarlamaanka ee Soomaaliya, oo sii diiran loogu soo dhoweeyey halkaasi.

Cabdi Xaashi Cabdullahi iyo Maxamed Mursal Sheekh Cabdiraxmaan ayaa waxaa garoonka Garoowe ku soo dhoweeyey madaxweynaha Puntland, Siciid Cabdullahi Maxamed (Deni).

Ujeedka safarka wafdigan ayaa ah ka qeyb-galka madasha doodaha machadka Heritage oo markii ugu horeysay lagu qabanayo dalka, Garoowana ka furmaya todobaadkan.

Sidoo kale waxaa maamulka Puntland saacadaha soo socda ku wajahan qaar ka mid ah musharraxiinta mucaaradka oo iyana ka qeyb-galaya doodaaasi, sidoo kalena kulamo siyaasadeed oo looga hadlayo doorashada ka bilaabaya gudaha magaalada Garoowe.

Xaaladda siyaasadeed ayaa ah mid cakiran, iyada oo weli muran uu ka taagan yahay hannaanka loo wajahayo doorashooyinka oo ay isku hayaan dowladda & mucaaradka.

Halkan hoose ka daawo sawirrada:-

View the full article