Fanaanka Cabdi Cali Bacalwaan oo ku geeriyooday dalka Jarmalka

[Deeq A.]

Waxaa dalka Jarmalka ku geeriyooday fanaankii weynaa ee qaranka Soomaaliya Cabdi Cali Bacalwaan sida ay xaqiijiyeen qaar ka mid ah ehellada marxuumka.

Rabbi ha u naxariistee Bacalwaan ayaa ku dhintay isbitaal ku yaalla magaalada Mainz ee Jarmalka, halkaas oo la seexiyey, kadib markii uu ku dhacay cudurka Coronavirus.

Marxuumka ayaa xaaladdiisa caafimaad ay liidatay maalmihii u dambeeyay, wuxuuna ku jiray xaalad miir la’aan ah.

Bacalwaan wuxuu ka mid ahaa fanaaniintii ciidanka Xoogga dalka la oran jiray ee uu madaxda u ahaa Cismaan Askari Aadan Xuseen, ka hor dowladdii kacaanka.

Wuxuu ahaa heesaa, mu’allif iyo weliba laxamiiste , laxannadiisa waxa ka mid ahaa midka uu saaray heesta Afrikaay hurudooy oo uu allifay Ismaaciil Xirsi Farxaan , markii koowaaadna ay qaaday Saynab-baxsan Xaaji Cali Siigaale balse ay Magool ku caanbaxday.

Cabdi cali Bacalwaan ayaa ka mid ahaa tiirarkii kooxda qaranka ee hobalada waabari.

View the full article