Dhaq-dhaqaaqyo ciidan oo weli ka jira xadka Somalia & Kenya

[Deeq A.]

Dhaq-dhaqaaqyo milatari oo u dhexeeya dowladaha Soomaaliya iyo Kenya ayaa lagu soo warramayaa in weli laga dareemayo xadka ay wadaagaan labada dal.

Wararka ayaa sheegaya in ciidamada Soomaaliya iyo kuwa Kenya ay dhaq-dhaqaaqyo ka wadaan magaalooyinka Beledxaawo iyo Mandera oo kala tirsan labada dal.

Dowladda federaalka ah ee Soomaaliya ayaa la sheegay in saacadihii u dambeeyey ay ciidamo badan geysay degmada Beledxaawo, kuwaas oo ka yimid dhinaca degmooyinka Luuq iyo Duulow, si ay xoojiyyaan ciidamada ku sugan halkaasi.

Sidoo kale Kenya ayaa dhankeeda dhaq-dhaqaaqyo iyo abaabul xoogan ka wada dhinaca magaalada Mandera oo ka tirsan gobolka Waqooyi Bari, halkaas oo iyana lagu arkayo diyaarado dagaal, gaar ahaan nooca Helicopter-ka ah oo joog hoose ku duulaya.

Xaaladda ayaa haatan aad u kacsan, iyadoona dadka deegaanka ee ku dhaqan xadka ay cabsi ka muujinayaan in dagaal uu ka dhaco halkaasi.

View the full article