Bandow xoogan oo lagu soo rogay magaalada Gaalkacyo

[Deeq A.]

Wararka naga soo gaaraya Mudug ayaa sheegaya in ciidamada xasilinta gobolkaasia ay bandow ku soo rogeen koonfurta Gaalkacyo, kadib qaraxii ka dhacay magaaladaasi.

Ciidamada ayaa sidoo kale howl-gallo lagu baadi goobayo dadkii soo abaabulay weerarkaasi ka bilaabay gudaha magaalada Gaalkacyo ee xarunta gobolka Mudug.

Ilo deegaanka ah ayaa inoo sheegay in ciidamada ay hakiyeen dhaq-dhaqaaq xaafadaha qaar, iyaga oo ka bilaabay howl-gallo loogu baarayo guri guri .

Sidoo kale wararka ayaa intaasi ku daraya in ciidamada xasilinta ay howl-galladaasi ku soo qab qabteen tiro dad ah oo u badan dhalinyaro, kuwaas oo ay ku socdaan baaritaano.

 

Qaraxii is-miidaaminta ee shalay ka dhacay afaafka hore ee garoonka kubadda cagta Cabdullahi Ciise ayaa waxaa ku dhintay saraakiil sar sare iyo dad kale oo shacab ah.

View the full article