Dibad-baxyo rabshado wata oo ka dhacay magaalada Muqdisho

[Deeq A.]

Magaalada Muqdisho waxaa maanta ka dhacay dibad-baxyo rabshado watay, kuwaas oo ka dhacay xaafado ka tirsan degmooyinka Yaaqshiid & Kaaraan ee gobolka Banaadir.

Dibad-baxyada oo ahaa kuwo la soo abaabulay, islamarkaana looga soo horjeeday dowladda federaalka ayaa waxaa ka qeyb-galay tiro dad ah oo aad u yar, kuwaas oo ay  markii dambe kala eryeen ciidamada ammaanka Soomaaliya.

Sidoo kale waxaa is-rasaaseyn kooban ay dhex-martay ciidamada Booliiska iyo sidoo kale askar la sheegay inay tirsan yihiin kuwa milatariga Soomaaliya.

Inta la xaqiijiyey waxaa is-rasaaseyntaasi ku dhintay ugu yaraan 4 qof, iyada oo ay ku dhaawacmeen illaa 9 kale.

Dhinaca kale siyaasiga caanka ah ee Jaamac Cali Jaamac oo la hadlay Shabelle ayaa ku eedeeyey dibad-baxyadaan inay ka dambeyeen hoggaamiyeyaasha mucaaradka dalka.

Xaaladda ayaa hadda ah mid degan, waxaana weli waddooyinka qaar ee caasimadda ku sugan ciidamada ammaanka ee dowladda Soomaaliya.

View the full article