Magacyada saddex Horjooge oo Kumaandooska DANAB ka qabteen Al-shabaab

[Deeq A.]

Taliska Kumaandooska Soomaaliya ee DANAB, ayaa shaaciyay in ay hawlgal qorshaysan ku qabteen saddex Horjooge oo ka tirsan Al-shabaab.

Wakaaladda Wararka SONNA, ayaa ka soo xigatay Taliska Kumaandooska DANAB, in saddexda Horjooge lagu qabtay Hawlgal qorshaysan oo laga fuliyay Gobollada Shabeellooyinka iyo Hiiraan.

Saddexda Horjooge; waxay kala yihiin Horjoogihii Al-shabaab u qaabilsanaa Maaliyadda Gobolka Hiiraan Xasan Yuusuf Cali, Horjoogihii Maktabka Waxbarashada Dumarka ee Degaanka Ceelcadde Cali Cabdulle Jilacow iyo Horjogihii Sakawaadka Al-shabaab ee Gobolada Shabellada Hoose iyo Dhexe Cabdullahi Isxaaq Xuseen.

Sidoo kale, Hawlgalka waxa lagu burburiyay Xarumo kala duwan, oo Al-shabaab ku lahaayeen Gobollada Shabeellooyinka iyo Hiiraan, halkaas oo ay ka abaabuli jireen weerarada ka dhan ka ah Ciidamada dowladda iyo kuwa AMISOM.

PUNTLAND POST

The post Magacyada saddex Horjooge oo Kumaandooska DANAB ka qabteen Al-shabaab appeared first on Puntland Post.