Sawirro: A/Madoobe oo amar siiyey hay’adaha ammaanka Jubbaland

[Deeq A.]

Madaxweynaha dawlad goboleedka Jubbaland Mudane Axmed Maxamed Islaam (Axmed Madoobe) ayaa kulan la qaatay sarakiisha Hay’adaha Amniga ee Jubba-land,iyadoo uu Madaxweynahu faray inay keenan baaritaannada dhacdooyinka dhinaca amniga ah oo ay ugu dambaysay qaraxii shalay Al-Shabaab ay ka geysteen magaalada Kismaayo.

Madaxweynaha ayaa sidoo kale faray ciidamada nabad sugidda iyo booliska inay dardar galiyaan hawlgallada sugidda nabadgalyada muwaadiniinta, isagoo xusay in loo baahan yahay feejignaan dheeri ah.

Mudane Axmed Maxamed Islaam (Madoobe) ayaa dhanka kale  sarakiisha ciidanka Darawiishta ka dhagaystay natiijada howlgalka ka socda wadada xiriirisa degmooyinka Kismaayo iyo Af-madow, isagoo amaanay ciidamada ammaanka howl-galladaasi milatari.

Qaraxii shalay oo dadkii ku dhintay uu ka mid ahaa Gudoomiyihii rugta ganacsiga Jubaland Shaafi Raabbi Kaahin ayaa haatan waxaa Kismaayo ka socda qabanqaabada aaskiisa.

Halkan hoose ka daawo sawirrada:-

View the full article