Madaxda K/Galbeed, HirShabelle iyo Galmudug oo soo gaaray Muqdisho

[Deeq A.]

Gudoomiyaha Gobolka Banaadir ahna Duqa Caasimadda muqdisho Mudane Cumar Maxamuud Maxamed (Cumar filish) ayaa maanta soo dhaweeyay Madaxweynayaasha Dowlad Goboledyada Galmudug Axmed Cabdi Kaariye, Koofur-Galbeed Cabdicasiis Maxamed Xasan “Lafta gareen” iyo Hirsahabeele Dr Maxamed Cabdi Waare, kuwaasi oo soo gaaray magaalada Muqdisho, si ay uga qeyb galaan shir lagu dhammaystirayo hannaanka doorashada dalka oo Madaxweynaha Jamhuuriyadda Federaalka Soomaaliya mudane Maxamed Cabdullaahi Farmaajo ku casuumay.

Madaxda dawlad goboleedyada waxaa maanta ay shir saddex geesood ah ay ku yeesheen magaalada Baydhabo ka hor inta aysan soo gaarin caasimadda Muqdisho, kaas oo ay kaga hadleen xiriirka ka dhexeeya, arrimaha siyaasadeed ee dalka gaar ahaan doorashada soo socota iyo iskaashiga amniga oo ay ugu horrayso la dagaallanka xagjirka, waxaana ay aqbaleen marti qaadka dawladda Federaalka.

Shirka oo furmi doona berri oo ah 10-ka September waxaa sidoo kale qayb ka ah Madaxweynayaasha dawlad goboleedyada Puntland iyo Jubbaland oo muddo todobaad ah ku sugan Muqdisho.

Halkan hoose ka daawo sawirrada:-

      

View the full article