Wasaaradda caafimaadka oo diiwaan-gelisay kiisas Coronvirsus ah

[Deeq A.]

Sii hayaha xilka wasiirka caafimaadka xukuumadda federaalka ah ee Soomaaliya, Marwo Fowsiyo Abiikar Nuur oo faah faahineysay warbixinta maalinlaha ah ee Coronavirus ayaa shaacisay kiisas hor leh oo 24-tan-kii saac ee la soo dhaafay laga diiwaan-geliyey dalka.

Fowsiyo Abiikar Nuur ayaa warbixinteeda ku sheegtay in la diiwaan-geliyey illaa 52 xaaladood oo COVID-19 ah, kuwaas oo laga helay dad kala jooga Somaliland, Puntland, Jubbaland iyo Gobolka Banaadir, waxaana tirada guud ay ka dhigeysaa illaa 3,362.

Bukaannada cusub 38 ka mid ah waa rag, 14-na waa dumar, sida lagu sheegay warbixinta wasaaradda caafimaadka .

Sidoo kale wasiir Fowsiyo ayaa xustay inay Feyruska Karoona ka bogsoodeen illaa 159 qof oo cusub, taasi oo tirada guud ee dadka bogsooday ka dhigeysa 2,738.

Soomaaliya ayaa ka mid ah dalalka haatan ka soo ka banaya cudurka faafa ee Coronavirus, kaas oo saameeyey wadamo badan oo ku yaalla caalamka.

View the full article