Maamulka Yaaqshiid oo ka warbixiyey toogasho ka dhacday degmadaasi

[Deeq A.]

Guddoomiye ku xigeenka arrimaha bulashada maamulka degmada Yaaqshiid, Cabdullahi Shiine oo la hadlay warbaahinta ayaa sheegay in ciidamada amniga ay ka hortageen Miino la doonayey in lagu aaso waddo dhex-marta xaafadda Suuq-Bacaad ee degmadaasi.

Shiine ayaa tilmaamay in ciidamadu ay toogteen mid ka mid ah raggii aasayey qaraxaasi, islamarkaana ay baxsadeen labo kale, sida uu hadalka u dhigay.

Sidoo kale wuxuu intaasi ku daray in wadada la doonayey in la geliyo qaraxa ay si aad u isticmaalaan mas’uuliyiinta degmada Yaaqshiid ee gobolka Banaadir.

Hadalkan ayaa ku soo aadaya, iyada oo xalay qarax miino uu ka dhacay agagaarka isgoyska Sayidka, kaas oo geystay khasaare u badan dhaawac.

View the full article