Faah faahino ka soo baxaya ka dhacay duleedka Dhuusamareeb

[Deeq A.]

Faah faahino dheeraad ah ayaa ka soo baxaya dagaal beeleed khasaare geystay oo maanta ka dhacay deegaanka Xananbuure ee gobolka Galgaduud.

Dagaalka ayaa waxaa lagu soo warramayaa inuu u dhexeeyo labo maleeshiyo beeleed oo isku haya Ceelal Biyood iyo Dhul-Daaqsimeed.

Ugu yaraan illaa 5 qof ayaa ku dhintay dagaalkan, iyadoona ay ku dhaawacmeen tiro intaasi ka badan kuwaas oo ah dhinacyadii diriray, sida uu Idaacadda Shabelle ee magaalada Muqdusho u xaqiijiyey guddoomiyaha Xananbuure, Ceydiid Maxamed Cosoble.

Sidoo kale guddoomiyaha ayaa intaasi ku daray in ciidamada Xoogga dalka oo la geeyey deegaankaasi ay ku guul darreysteen inay kala dhex-galaan maleeshiyaadka labada dhinac.

Xaaladda ayaa haatan aad u kacsan, waxaana is horfadhiya maleeshiyaadka labada beel ee ku dagaalamay deegaanka Xananbuure oo hoos yimaada magaalada Dhuusamareeb.

View the full article