Sawiro naxdin leh oo laga helay saldhig booliis oo ay musiibo ka dhacday

[Deeq A.]

Sawiro naxdin leh oo laga helay saldhig booliis oo ay musiibo ka dhacday

Sawirka ayaa muujinaya askar dhulka ku nabeysa maxbuuska

Xaaska nin u dhashay dalka Slovakia oo ku dhex dhintay xabsi ku yaalla dalka Belgian ayaa waxaa lagu baaqay in baaritaan cusub lagu sameeyo ka dib markii ay soo baxeen sawiro cusub oo naxdin leh oo gudaha xabsiga laga qaaday.

Jozef Chovancova ayaa lagu xiray garoonka diyaaradaha Charleroi 2018 ka dib markii uu buuq ka dhex sameeyay duulimaadkii uu saarnaa.

Markii la xiray ninkani ayaa waxaa uu bilaabay in uu darbiga madaxa ku garaaco ilaa uu dhiig ka yimaado.

Koox askar ah ayaa ka dib la arkayay iyaga oo dhulka ku nabaya oo madaxa uga fadhiya.

Chovancova ayaa isbataalka loo qaaday, balse kooma ayuu galay islamarkana maalinkii xigtay ayuu dhintay.

Sawirada xabsiga laga soo qaaday ayaa muujinaya dhowr askari oo ku qoslaya maxbuuskani halka mid kale salaanta ay caanka ku yihiin Naasiyiinta uu saarayo.

Waxaa sidoo kale la arkayay askari kale oo feeraha uga fadhiya Chovancova taasi oo qaadatay muddo 18 daqiiqo ah sida muuqaalka la duuban uu muujinayo.

Kiiskiisa ayaa noqday mid la mid ah kii George Floyd, oo geeriyooday bishii May ka dib markii uu askari uu qoorta kaga qabtay luqunta.

 

“Waxaan doonayaa in inaan ogaado waxa dhacay iyo sababta ay booliiska falkaasi ugu kaceen,” waxaa sidaasi ay u sheegtay xaaskiisa oo lagu magacaabo, Henrieta, wargeyska Het Laatse Nieuws, oo isagu helay sawirada..

Ka hor inta uusan dhiman, Chovancova waxaa uu ahaa milkiilaha qora muwaadiniinta reer Slovakia ee ka shaqeeya dhismooyiinka mashaariicda dalka Belgium.

Qoyskiisa ayaa waxay sheegeen in aysan ogeyn sababta xanaaqa iyo buuqa u ugu kacay markii xabsiga la dhigay.

Labo sano ka dib geeridiisa ayaa waxay wali booliiska dalka Belgian baarayaan sababata geeridiisa isalmarkana xaaskiisa ayaa imika qabsatay qareen cusub.

Qaran News