Ciidamada Xoogga dalka oo la wareegay deegaanka Kuntuwaarey

[Deeq A.]

Wararka laga helayo gobolka Shabeelaha Hoose ayaa sheegaya in maanta ciidamada milatariga Soomaaliya ay la wareegeen deegaanka Kuntuwaarey oo ka tirsan gobolkaasi.

Ciidamada oo howl-gallo ku qaaday deegaano u dhexeeya degmooyinka Afgooye iyo Marka ayaa la wareegay gacan ku heynta Kuntuwaarey oo saldhig ay ku lahaayeen Al-Shabaab.

Wararka ayaa sheegaya in dagaalyahanada Al-Shabaab ay xalay saq-dhexe ka baxeen deegaankaasi, kadib markii ay ka war-heleen dhaq-dhaqaaqyada ciidamada Xoogga dalka.

Sidoo kale wararka ayaa intaasi ku daraya in ciidamadu ay howl-gallo ka sameeyeen deegaankaasi, kuna soo qab-qabteen dad lagu tuhmayo inay ka tirsan yihiin Al-Shabaab.

Xaaladda ayaa haatan aad u kacsan, waxaana weli dhaq-dhaqaaqyo milatari laga dareemayaa qeybo badan oo ka mid ah gobolka Shabeelaha Hoose ee koonfurta Soomaaliya.

View the full article