Real Madrid iyo Juventus oo ka haray tartanka kooxaha Yurub

[Deeq A.]

Kooxaha Real Madrid iyo Juventus ayaa laga reebay tartanka xiisaha iyo xamaasadda badan kooxaha Yurub ee UEFA Champions League.

Manchester City ayaa u soo baxday siddeed dhammaadka tartankan, kadib markii ay lugtii labaad ee 16-ka minankeeda (gurigeeda) 2-1 ugu awood sheegatay kooxda ugu guuleysiga badan koobkan ee Real Madrid.

Man City waxaa guusha u horseeday Raheem Sterling iyo Gabriel Jesus oo goolasha u kala dhaliyay labadii qeybood ee ciyaarta, halka goolka qura uu Real Madrid u dhaliyay Karim Benzema.

Dhanka kale kooxda reer France ee Lyon oo looga badiyay 2-1, ayaa sharciga goolasha ugu soo baxday siddeed dhammaadka tartanka kooxaha Yurub ee UEFA Champions League, maadaama ay lugtii hore ee 16-ka 1-0 ku garaacday Juventus.

Cristiano Ronaldo ayaa kooxdiisa Juventus oo minankeeda joogta gaarsiiyay guul aan waxba u tarin, markii uu labo gool dhaliyay.

Real Madrid iyo Juventus oo laga soo ciribtiray UEFA Champions League ayaa kamid ahaa kooxaha loo saadaalinayay tartankan.

PUNTLAND POST

The post Real Madrid iyo Juventus oo ka haray tartanka kooxaha Yurub appeared first on Puntland Post.