Sawirro: Wiil dhalinyaro ahaa oo si arxan darro ah loogu dilay Beledweyne

[Deeq A.]

Allaha u naxariistee waxaa xalay xaafadda Buunda-weyn ee magaalada Beledweyne lagu dilay wiil dhalinyaro ahaa, kaas oo dilkiisa loo adeegsaday Toorey.

Marxuumka ayaa waxaa lagu magacaabi jiray, Caydaruus Calawe Siyaad, wuxuuna ka mid ahaa dhalinyarada kaxeysa Mootooyinka Bajaajta ee ka shaqeysa magaaladaasi.

Wararka ayaa sheegaya in rag burcad ah ay dileen marxuumka, kuwaas oo goobta isaga baxsaday.

Meydka marxuumka ayaa la geeyey isbitaalka guud ee Beledweyne, waxaana agaasimaha isbitaalkaasi Dr Suleeyman Cabdi Cali uu sheegay in dilka kadib la gubay marxuumka.

Sidoo kale waxaa goobta gaaray ciidamo ka tirsan kuwa ammaanka Soomaaliya oo haatan wada baaritaano dheeraad ah.

Dhacdadan argagaxa leh ayaa wal-wal xoogan ku reebtay dadka deegaanka, gaar ahaan darawallada kaxeeya mootooyinka Bajaajta ee ka howl-gala magaalada Beledweyne.

Halkan hoose ka daawo sawirrada:

View the full article